希望小店

希望畫室嘅開始，其實係源自自己養嘅一隻貓。最初只係想畫低佢日常嘅傻氣模樣，後來發現每次畫嘅時候，都會重新回憶起同佢相處嘅每個細節——佢瞓覺嘅姿勢、等食嘅眼神、跳上大脾嗰陣嘅重量。 慢慢開始有人問：「可唔可以幫我畫返我隻毛孩？」我先發現，原來好多人同我一樣，都想將同毛孩之間嘅回憶留住。所以我決定用畫筆做呢件事，希望每個收到畫作嘅家庭，望住幅畫嘅時候，都會再次記起同毛孩一齊走過嘅日子。 每幅畫都唔只係一幅畫，而係一份屬於你同毛孩之間嘅情感記錄。